कोभिड अनुकूलताकाे कार्ययोजना बनाई भदौ १६ देखि पर्यटकीय गतिविधि बढाउन दबाब

पर्यटन बजार३१ श्रावण २०७७, शनिबार मा प्रकाशित

कोभिड अनुकूलताकाे कार्ययोजना बनाई भदौ १६ देखि पर्यटकीय गतिविधि बढाउन दबाब

साउन ३१,काठमाडौं । पर्यटन क्षेत्रसँग आबद्ध २१ वटा संघसस्थाहरुले संयुक्त रुपमा विज्ञप्ती जारी गरी भदौ १६ गतेदेखी पर्यटकीय गतिविधि बढाउन सरकारसँग आग्रह गरेको छ ।
ती संघस्थाहरुले सरकारलाई कोभिड अनुकूलताका कार्ययोजना बनाइ हवाई पर्यटन क्षेत्रसँग सम्बन्धीत विभिन्न क्षेत्रहरु खुला गर्नुपर्ने माग अघि सारेका हुन् ।

सरकारले पछिल्लो समय भदौ १ गतेबाट आन्तरिक र बाह्य हवाई उडान खुला गर्ने,साउन १५ गतेबाट होटल तथा रेष्टुरेन्ट सञ्चालन गर्ने निर्णय गरेको भएपनि कोभिडको संक्रमण बढेको भन्दै तत्कालका लागि बन्द गर्ने सरकारले निर्णय गरेको थियो ।

अन्य व्यवसाय सञ्चालनमा आएपनि पर्यटनसँग सम्बन्धीत व्यवसायहरु सञ्चालनमा आउन नसकेको भन्दै भदौ १६ बाट भने व्यवसाय सञ्चालनको वातावरण बनाउन सरकारको ध्यानाकर्षण गराएका हुन ।

चार्टर्ड र रिप्याट्रियसन उडानका नाममा दैनिक ७ देखि १० वटा सम्म भइरहेको उडानले मुलुकको अर्थतन्त्रमा खासै योगदान नगर्ने व्यवसायीहरुको दाबी छ । व्यवसाय खुला गराउन नेपाल एशोसिएसन अफ टुर एण्ड ट्राभल एजेन्ट्स,ट्रेकिङ एजेन्सिज एशोसिएशन अफ नेपाल, होटल एशोसिएशन, नेपाल पर्वतारोहण संघ लगाएतका रहेका छन् ।

Facebook Comment

छुटाउनुभयो कि?