घरमै बसेर जितिया पर्व मनाउनुहोस – प्रधानमन्त्री ओली

पर्यटन बजार२५ भाद्र २०७७, बिहीबार मा प्रकाशित

घरमै बसेर जितिया पर्व मनाउनुहोस – प्रधानमन्त्री ओली

 भदौ २५, काठमाडौं । प्रधानमन्त्री केपी शर्मा ओलीले जितिया पर्वले परस्परमा सद्भाव र प्रेमको सन्देश प्रवाह गर्ने बताएका छन् । पूर्वी तराईवासी र थारु महिलाले मनाउने जितिया पर्वका अवसरमा शुभकामना सन्देश दिँदै उनले आफ्नो परिवारका सदस्यको सुस्वास्थ्य र दीर्घायुको कामना गर्दै महिलाले व्रत बसी मनाउने जितिया जस्ता पर्वले हामीलाई परस्पर एकता, सहिष्णुता, सदभाव र सुदृढ एकतामा आबद्ध गरेकोसमेत बताए ।

कोभिड–१९ को विश्वव्यापी महामारीका कारण यस वर्ष आफ्ना पर्व मनाउँदा घरमै बसेर सावधानीपूर्वक मनाउनुपर्ने अवस्था उत्पन्न भएको जनाउँदै उनले आफू सुरक्षित रहंँदै जितिया पर्व मनाउन आह्वानसमेत गरेका छन् ।

आश्विन कृष्णपक्षका सप्तमी, अष्टमी र नवमी गरी तीन दिन मनाइने यस पर्वको सप्तमीको दिनलाई लाहा खाएके, अष्टमीको दिनलाई उपास र नवमीको दिनलाई पारन भनिन्छ । आज अष्टमी जितियाको मुख्य दिन हो ।झाम्टा’ थारु महिलाहरुको मौलिक नाच हो । जितिया पर्वमा थारु समुदायका महिलाहरु समूहमा गीत गाउँदै घुम्दैघुम्दै गोलाकार घेरा बनाएर झाम्टा नाच्ने गर्दछन् ।

Facebook Comment

छुटाउनुभयो कि?