टिकापुर घटनामा जन्मकैद सजाय पाएका सांसद चौधरीको पद खारेज हुने

पर्यटन बजार२२ फाल्गुन २०७५, बुधबार मा प्रकाशित

टिकापुर घटनामा जन्मकैद सजाय पाएका सांसद चौधरीको पद खारेज हुने

२२ फागुन, काठमाडौं । टीकापुर घट्नामा दोषी ठहर भएसँगै निलम्बित सांसद रेशम चौधरीको पद खारेज हुने भएको छ । कर्तव्य ज्यान, ज्यानमार्ने उद्योग र डाँका चोरी मुद्दामा  जिल्ला अदालत कैलालीले  जन्मकैदको फैसला सुनाएपछि चौधरीको पद गुम्ने भएको हो ।

संघीय संसद सचिवालयका प्रवक्ता रोजनाथ पाण्डेले नैतिक पतन देखिने फौजदारी कसूर प्रमाणित भएकाले सांसद पद स्वतः खारेज हुने जानकारी दिए । पाण्डे भन्छन्, ‘अदालतबाट दोषी ठहर भएपछि सांसद नरहने कानूनी व्यवस्था छ ।’

 टीकापुरमा भएको प्रहरीको हत्याको विषयमा चौधरी लामो समय भूमिगत रहँदै आएका थिए। उनी भूमिगत अवस्थमा नै प्रतिनिधिसभामा निर्वाचित भएका थिए। दुई महिनाअघिमात्रै उनले जेलबाटै संसद भवन पुगेर सपथ ग्रहण गरेका थिए। जन्मकैद फैसलासँगै उनको सांसद पद निलम्बित भएको छ।

टीकापुर घटनामा प्रहरीले खोजी सूचीमा राखेपछि फरार चौधरीले वारेसमार्फत् राष्ट्रिय जनता पार्टीबाट उम्मेदवारी दिएका थिए। चौधरी ३४ हजार ३४१ मतसहित विजयी भएका थिए। चौधरीले आफूले पाएको जनमत नै निर्दोष सावित गरेकोसमेत बताउँदै आएका थिए।

संसदमा सपथ ग्रहणपछि मिडियासँग कुरा गर्दै उनले भनेका थिए –  ‘न्यायलयले न्याय दिनुपर्छ भिख होइन। रेशम भिख माग्दैन। दोषी भए प्रमाणित गरिदिनुहोस्।’

२०७२ भदौ ७ गते मधेश–थरुहट आन्दोलनका क्रममा कैलालीको टीकापुरमा  जनपथ प्रहरीका एसएसपी लक्ष्मण न्यौपानेसहित आठ जना प्रहरी र एक जना बालक मारिएका थिए। यस घटनापछि सुरक्षाकर्मीको यातनाबाट एक जना थारु पनि मारिएका थिए। सुरक्षाकर्मी नै मारिए पछि ८५ भन्दा बढी थारुहरुको घर जलाइएको थियो भने दर्जनौं थारुहरु विस्थापित भएका थिए।

घटनाका मुख्य आरोपी चौधरीले गत वर्षको फागुन १४ गते जिल्ला अदालतमा आत्मसमर्पण गरेका थिए।

Facebook Comment

छुटाउनुभयो कि?