पश्चिमको स्वर्ग ‘बाह्र बण्ड अठार खण्ड’ नामले चिनिने रामारोशन ताल भ्रमणमा कहिले जाने ?

पर्यटन बजार२२ बैशाख २०७६, आईतवार मा प्रकाशित

पश्चिमको स्वर्ग ‘बाह्र बण्ड अठार खण्ड’ नामले चिनिने  रामारोशन ताल भ्रमणमा कहिले जाने ?

बैशाख २२, कालिकोट।  रामारोशन भने पछि नसुन्ने कमै होलान । ‘बाह्र बण्ड अठार खण्ड’ नामले चिनिने सुदूरपश्चिम प्रदेशको एक पर्यटकीय स्थल हो रामारोशन । सुदूरपश्चिमको अछाम जिल्लाको सदरमुकाम मंगलसेनबाट कच्ची सडकबाट ५-६ घन्टाको यात्रापश्चात रामारोसन ताल पुगिन्छ । मंगलसेनबाट झन्डै ५२ किलोमिटरको दुरीमा रहेको तालमा पैदल हिडेर १५-२० घन्टाको पैदल हिडाईमा पुग्न सकिने ताल समुन्द्री सतहदेखि २५४६ मिटरको उचाईमा अवश्थित छ, प्राकृतिक बरदानको रुपमा सो ताल रहेको छ ।

तालसम्म पुग्न कैलालीको अत्तरियाबाट महाकाली र सेती मार्ग हुदै १०-१२ घन्टाको रमणीय यात्रामा मंगलसेन पुग्न सकिन्छ ।यस ठाउँमा घुम्ने समय भनेको फागुनदेखि असारसम्म हो । यो समय सन्तुलित वातावरण र हेर्नका लागि राम्रो मौसम हुन्छ । यहाको मौसम चिसो/ठण्डी छ ।  यो प्राकृतिक रुपले भरिपूर्ण रहेको ठाउंमा १२ ताल र १८ पाटनहरु रहेका छन् । । यहाँका रहर लाग्दा जमिनका फाँटहरु, मनमोहक तालहरु, ठूलाठूला ढुंगाहरु, गुफाहरु, बिभिन्न जदिबुतिहरु, जलहाँस, राष्ट्रिय पन्छी डाँफे, मुनाल लगायतका चराचुरुंगी र अन्य दुर्लभ  बन्यजन्तुहरु, कस्तुरी, मृग, यस क्षेत्रको जंगलमा अबलोकन गर्न पाइन्छ ।
 
रामारोशन क्षेत्रमा रहेका १२ वटा तालमध्ये जिगाले ताल सबैभन्दा ठूलो ताल हो । जसको आकार अंग्रेजी अक्षर ‘सि’ जस्तो रहेको छ। यस ताल बाटुले तालभन्दा माथि छ। यहाँ सबैभन्दा सानो तालमा ताउने ताल हो। यो हाल पुरिँदै गएकाले संकटमा छ। 
 
यहाँ प्रत्यक ५ बर्षमा रामारोसन महोत्सव आयोजना गरिन्छ । नाचगा, देउडा, होरिखेल, रत्यौली, लगायत अछामको सांस्कृतिक झल्को दिने कार्यक्रम गर्ने गरिन्छ ।
 
 पर्यटकीय क्षेत्रका रुपमा सम्भावना बोकेको रामारोशन ताल प्रचारप्रसारको अभावमा ओझेलमा परेको छ। त्यसैले प्रकृतिले सिँगारेको रामारोसन तालमा नगन्य पर्यटक आउने गरेको स्थानीयहरु बताउँछन्।
Facebook Comment

छुटाउनुभयो कि?