पूर्वी नेपालको भ्रमणमा रहेका पूर्वराजा ज्ञानेन्द्र शाह आज दमकबाट इलाम जाँदै

पर्यटन बजार१७ चैत्र २०७५, आईतवार मा प्रकाशित

पूर्वी नेपालको भ्रमणमा रहेका पूर्वराजा ज्ञानेन्द्र शाह आज दमकबाट इलाम जाँदै

चैत १७, काठमाडौँ । पूर्वी नेपालको भ्रमणमा रहेका पूर्वराजा ज्ञानेन्द्र शाह आज दमकबाट इलाम जाँदै छन् ।  शाहले आइतबारदेखि इलाम र पाँचथर जिल्लाको भ्रमण गर्ने तय भएको पूर्वराजाका प्रेस संयोजक फणि पाठकले जानकारी दिए । उनी त्यहाँ केही दिन व्यस्त हुने बताइएको छ ।

भ्रमणका क्रममा शाह इलामबाट चैत १८ पाँचथरको फिथिम जानेछन् । त्यसैगरी, १९ गते बिहानीपख फिदिम गढीमाइको दर्शन गर्ने र त्यहाँबाट इलाम फर्किएर २० गते इलाम नै बस्ने त्यसपछि २१ गते बिहान इलामको माइ मन्दिरको दर्शन गरेर दमक फर्किने कार्यक्रम तय भएको छ । 

यसपटक पूर्वराजा पूर्वरानी कोमल शाहलाई छाडेर एक्लै इलाम यात्रामा लाग्नेछन् ।  पूर्वराजा तराईमा रहँदा नेपालका लागि भारतीय राजदूत मञ्जिबसिंह पूरीलाई भेटेपछि सनसनी मच्चिएको छ । 

 उनले मठ मन्दिरको दर्शन गर्नुका साथै समर्थकहरुसँग पनि भेटघाट गर्ने तय भएको बताइएको छ । यसअघि फागुन २९ देखि चैत ३ गतेसम्म पूर्वराजाले मधेसका विभिन्न जिल्लाको भ्रमण गरेका थिए । पूर्वराजा जहाँ जाने गरेका छन् त्यहाँका स्थानीय राजावादीहरुले ‘राजा आउ देश बचाउ’ को नारा लगाउने गरेका छन् । 

Facebook Comment

छुटाउनुभयो कि?