बर्दियामा सडक खन्ने क्रममा चाँदी र तामाका सिक्का फेला

पर्यटन बजार८ चैत्र २०७५, शुक्रबार मा प्रकाशित

बर्दियामा सडक खन्ने क्रममा चाँदी र तामाका सिक्का फेला

 चैत ८, धम्बोझी । बर्दियाको बारबर्दिया नगरपालिका-६ सोनपुरदेखि जोगनपुरसम्म सडक खन्ने क्रममा चाँदी र तामाका सिक्का फेला परेको छ । माटोको घैंटोमा राखिएको ५४ मिलिग्राम बराबरको पाँच थान चाँदीका सिक्का र सात केजी दुई सय ग्रामको तामाको सिक्का फेला परेको हो ।

सडकलाई स्काभेटरबाट खन्दा करिब तीन फिट गहिराइमा चाँदीका सिक्का र तामाका सिक्का फेला परेको प्रहरी नायब उपरीक्षक मदनजित महराले  बताए । ती सिक्का १३ औँ देखि १७ औँ शताब्दीको मुगलकालीन शासनकालका सिक्का हुनसक्ने प्रहरीले जनाएको छ ।

‘नयाँ मुलुक’ बर्दियामा मुगल शासनकालमा चोरी डकैतीका त्रासले माटोमुनि ती सिक्का गाडिएको हुनसक्ने अनुमान गरिएको छ । सडक खन्ने क्रममा चाँदीका केही सिक्का गाउँलेले लुकाएको पनि प्रहरीले जनाएको छ । तामा र चाँदीका सिक्का अनुसन्धानका लागि पुरातात्विक विभागमा पठाइएको प्रहरीले जनाएको छ ।

Facebook Comment

छुटाउनुभयो कि?