रोट्रयाक्ट क्लब अफ रुद्रमती बबरमहलले दरै समाजमा ल्याएको खुशी

पर्यटन बजार२१ मंसिर २०७७, आईतवार मा प्रकाशित

रोट्रयाक्ट क्लब अफ रुद्रमती बबरमहलले दरै समाजमा ल्याएको खुशी

मङ्सिर २१ , तनहुँ ।आज अन्तराष्ट्रिय स्वयंसेवक दिवसको अवसरमा तनहुँ व्यास नगरपालिक वडा न १० दुम्सीका दरै समुदायहरुको लागि रोट्रयाक्ट क्लब अफ रुद्रमती बबरमहल- काठमाडौंले ‘अपलिफ्ट द लाईभस’ बन्ने प्रोजेक्ट अन्तर्गत दरै समुदायलाई चल्ला तथा सरसफाइ सामाग्री बितरण गरेको छ।

यस दरै समुदायका मानिसहरुलाई आर्थिक वृद्धिकोलागी र यस कोरोनाको समयमा यस प्रोजेक्टले केही भए पनि मद्दत गर्ने हुनाले यस प्रोजेक्ट गरिएको हो ।

कार्यक्रममा दुम्सी समुदायको २६ घर परिवारलाई प्रति घरमा ५ वटा चल्लाहरु र दाना बितरण गरिएको थियो भने बाँकी रहेका अन्य परिवारलाई अर्को चरणमा बितरण गरिने भएको छ । सो कार्यक्रममा सो समुदायकै ५० घर परिवारलाई साबुन, रुमाल, स्यानिटाइजार, मन्जन, ब्रस आदि सरसफाइका सामाग्री सहितको झोलाहरु बितरण गरिएको थियो । कार्यक्रममा आफुले चल्लाहरु पाएपछि समुदायले खुशी व्यक्त गरेका थिए।

कार्यक्रमका प्रमुख अतिथीको रुपमा व्यास नगरपालिक वडा १० का वडाध्यक्षमा तुल्सी राम सापकोटा, विशिष्ट अतिथीको रुपमा आदिवासी जनजाती युवा महसंघ तनहुँका पुर्व अध्यक्ष यवम कार्यक्रम सहयोगी वीर बहादुर दरै, दुम्सी नमुना ग्राम माथिल्लो टोल बिकास संस्थाका अध्यक्ष नन्दलाल पौडेल ,दुम्सी दरै गाउ समुदाय इकाइ समितीको अध्यक्ष तुल बहादुर दरै अतिथीमा दुम्सी दरै गाउ आमा समुहका अध्यक्ष लरी माया दरै, दुम्सी दरै होम स्टेका सन्चालिका आशा दरै हुनुहुन्थ्यो। कार्यक्रमको सभापतित्व रोट्रक्यक क्लब अफ रुद्रमती बबरमहल- काठमाडौंका अध्यक्ष रो. ॠषि कडरियले गर्नु भएको थियो भनी कार्यक्रमको सम्योजक रो. पृथ्वी श्रेष्ठ हुनुहुन्थ्यो ।

कार्यक्रममा प्रमुख अतिथी सापकोटाले आफ्नो वडा अन्तर्गत दरै समुदायमा यस्तो राम्रो कार्यक्रम ल्याउनु भएकोमा क्लबलाई धेरै धन्यवाद दिनु भएको थियो, दरै भाषा संस्कृति पहिचानको साथै आफ्नो ब्यक्तिगत बिकासको लागि आफुले पनि अघी बढेर आउँनु पर्ने र स्थानिय सरकारबाट सकेको सहयोग गर्ने कुरा पनि जोडनु भ्एको थियो। यस चल्ला बितरण पछी यस्को राम्रो हेरबिचर गरेर आउने दिनहरुमा राम्रो उत्पादन गर्नुपर्ने कुरामा जोड दिनुभएको थियो।

यस प्रोजेक्टलाई द आशा प्रोजेक्ट-नेपाल, फ्रेन्ड अफ नेपाल- न्यू जर्सी, आशा वन स्टेप फर चेन्ज, रोटरी क्लब अफ ब्रन्चबुर्ग र रोट्ररी क्लब अफ रुद्रमती जस्ता सहयोगी संस्थाहरु छन् भने यस प्रोजेक्टका आधिकारिक मिडिया पार्टनरको रुपमा नेपाल रिपोर्टस र पर्यटन बजार छन्।

Facebook Comment

छुटाउनुभयो कि?