विश्वमा कोरोना भाइरसबाट मृत्यु हुनेको संख्या १५ लाख ५१ हजार नाग्यो

पर्यटन बजार२३ मंसिर २०७७, मंगलवार मा प्रकाशित

विश्वमा कोरोना भाइरसबाट मृत्यु हुनेको संख्या १५ लाख ५१ हजार नाग्यो

मङ्सिर २३,काठमाडौ।विश्वमा कोरोना भाइरस सङ्क्रमणको कारण मृत्यु हुनेको संख्या १५ लाख ५१ हजार नागेको छ ।

नेपाली समय मंगलबार ३:३० बजे सम्म विश्वभरीमा ६ करोड ८० लाख ८६२ जना व्यक्ति कोरोना सङ्क्रमित भएका छन् भने हालसम्म विश्वमा कोरोना भाइरस सङ्क्रमणको कारण १५ लाख ५१ हजार ७६० व्यक्तिको मृत्यु भएको छ ।

सङ्क्रमितमध्ये हालसम्म ४ करोड ७० लाख ८६ हजार ६३७ व्यक्ति कोरोना मुक्त भएका छन् । विश्वभरमा १ करोड ९३ लाख ६२ हजार ४६५ व्यक्ति कोरोना भाइरस सङ्क्रमित रहेका उनीहरूको उपचार भइरहेको छ । सङ्क्रमितमध्ये १ लाख ६ हजार १४२ जनाको अवस्था गम्भीर रहेको जनाइएको छ ।

चीनको हुबे प्रान्तको वुहान सहरबाट गत वर्षको डिसेम्बरको अन्त्यबाट सुरु भएको कोरोना भाइरस सङ्क्रमणका कारण अमेरिका सबैभन्दा बढी प्रभावित भएको छ ।

सबैभन्दा धेरै सङ्क्रमित र मानवीय क्षति अमेरिकामा भएको छ भने दोस्रो धेरै प्रभावित भारतमा देखिएको छ ।

पछिल्लो विवरण अनुसार अमेरिकामा कुल सङ्क्रमितको संख्या १ करोड ५३ लाख ७० हजार ३३९ पुगेको छ । त्यसैगरी यहाँ कुल मृतकको संख्या २ लाख ९० हजार ४७४ पुगेको छ ।

दोस्रो धेरै प्रभावित भएको भारतमा ९७ लाख ३ हजार ९०८ जना सङ्क्रमित भएका छन् भने १ लाख ४० हजार ९९४ जनाको मृत्यु भएको छ ।

त्यसतै तेस्रो धेरै प्रभावित भएको ब्राजिलमा ६६ लाख २८ हजार ६५ जना सङ्क्रमित भएका छन् भने एक लाख ७७ हजार ३८८ जनाको मृत्यु भएको छ ।

Facebook Comment

छुटाउनुभयो कि?