सरकार र अदालतबीच मिलेमतो त भएको छैन – गगन थापा

पर्यटन बजार२६ फाल्गुन २०७५, आईतवार मा प्रकाशित

सरकार र अदालतबीच मिलेमतो त भएको छैन – गगन थापा

फागुन २६, काठमाडौँ । नेपाली कांग्रेसका नेता एवं सांसद गगन थापाले नेपाल सरकार र स्वतन्त्र मधेश गठबन्धनबीच भएको ११ बुँदे सम्झौताको  जानकारी माग गरेका छन्। सभामुखमार्फत थापाले सरकारसँग जानकारी मागेका हुन्।

उनले सरकार र राउतबीच भएको सहमतिबारे संविधानको पृष्ठभूमिमा मधेश र मधेशीको हक खोज्ने भन्ने सहमति भने सकारात्मक रहेको बताए।

यसका साथै सहमतिबारे सरकार र अदालतबीच मिलेमतो त भएको छैन भन्ने प्रश्न उठाएका छन्।‘सहमतिको पृष्ठभूमि र शैलीले सरकार र अदालतबीच कतै मिलिभगत त चलिरहेको छैन? भन्ने गम्भीर प्रश्न उठाएको छ।’

सहमतिमा प्रयोग भएको शब्दावलीको दुई पक्षको आआफ्नै व्याख्याले सकारात्मक व्याख्यालाई संशयको घेरामा ल्याएको उनले बताए।

‘केका लागि जनमत संग्रह? कसका लागि जनमत संग्रह? हामीलाई उत्तर चाहिन्छ,’ उनले भने, ‘अत सहमतिबारे सदनलाई जानकरी गराउन र यस विषयमा सदनमा छलफलको प्रबन्ध गर्न सरकारलाई सभामुखमार्फत् अनुरोध गर्दछु।’

गत शुक्रबार सर्वोच्च अदालतले सिके राउतलाई रिहा गर्न आदेश दिएको थियो। त्यसको भोलिपल्टै सरकार र सिके राउतबीच ११ बुँदे सहमति भएको थियो।

 

Facebook Comment

छुटाउनुभयो कि?