जेठ ८,रारा। नाडा अटोमोबाइल्स एशोसिएशन अफ नेपालको कार्यसमितिको बैठक रारामा सम्पन्न भएको छ ।नाडाले शुक्रबार विहान २ हजार ९९० मिटरको उचाईमा रहेको रारामा कार्यसमिति बैठक सम्पन्न गरेको हो ।

कर्णालीको बिकट जिल्लामा रहेको मनोरम रारामा कार्यसमिति बैंठक सम्पन्न गर्न पाउदा अत्यन्तै खुशी लागेको  नाडा अटोमोबाइल्स एशोसिएशन अफ नेपालका अध्यक्ष ध्रुब थापाले बताए। उनले भने ‘प्रकृतिको मनोरम स्थानमा नाडाले आफ्नो कार्यसमितिको बैंठक राखेर आन्तरिक पर्यटन विस्तारमा एक प्रकारको संदेश प्रदान गर्न खोजेको हो । यसमा सबै पक्षको सहयोग महत्वपूर्ण रह्यो ।’

कर्णाली सोचेको भन्दा पनि स्वच्छ र सुन्दर रहेको तर, आवश्यक पूर्वाधार विकास हुन नसक्दा पछाडि परेको महशुस भएको उनले बताए।